حسافه .. ليه تغيرتي

تغيرتي علي الحين ماعادك مثل أول
...................................تغير فيك اسلوبك وضحكة تخنق البسمه
تغير همسك الضامي وطبعك راح يتبدل
...................................غريبه كل خطواتك تشق ابداخلي صدمه
زمان الشوق في عينك بحر بالحب يتغزل
...................................دفاه انفاس عطشانه تدور داخله رحمه
رسمتك باكر اشواقي .. لقيتك باكري المهمل
...................................حسافه ليه تغيرتي وانا اللي مبلغك حلمه
نسيتيني وأنا روحك .. وجسمك دوني ما يكمل
...................................ودوني جسمك انقاض ٍ تحاصر عالمه ظلمه
مددت الحب بضلوعي غصن من قسوتك يذبل
...................................رماه الماضي بعيونك حضن من نسمتك همه
وش اللي غير اطباعك ؟ حقيقة عاشق ٍ أهبل ؟!
...................................وثقتي فيه لين الحين رميتينه وسط عتمه ؟!
خساره يا زمن هالحب عليه الناس ما تسأل
...................................رموه ابظلمة العالم وقالوا تنكر النعمه ؟!
قلوب اتخون واقعها .. وواقع صاحبه يجهل
...................................بأن الكون ما يرحم متيم يحترق دمعه
إذا ً هالحين أنا بارحل قبل لاقلبي بك ينذل
...................................واصون احساسي الصادق واعيش ابمنهتى الحكمه

وش اللي غير اطباعك ؟ حقيقة عاشق ٍ أهبل ؟

دائما الكلمة وحدها لاتعبر
اما في كتباتك
فالكلمه تولد ألف معنى
فمابال اذا كتبت قصيده او خاطرها
ستكون لحظتها بركان من المشاعر

دمت بود

اشكرك على ردودك المتواصله

شكـرآ مره ثآنيه

يآقلبي آفهـم < آلطيب دآيم خسرآن