خسرتي الحرب ورديتي بدون بعير او نآقه .....؟

ويقول:-
دموعك ليش هماله على الخدين دفاقه

غريبه إش غير أحوالك من القسوه لين اللين

بعد ما كنتي مغروره ودلوعه وخقاقه

صرتي اليوم حتى فلس عند الناس ما تسوين

خسرتي الحرب ورديتي بدون بعير أو ناقه

لأنك واثقه كنتي على إنك لازم تفوزين

وهلت دموعك الدمعه على الخدين حراقه

أخيرا هزك إحساسك أخيرا قمتي اتحسين

في يوم كنتي مثل نجمه بعيد هناك براقه

إذا شافك أحد صدفه على طول انتي تبتسمين

تذوقينه مذاق الحب مع انه مول ما ذاقه

ويقول الله ما يدري الغبي اذا زين والا شين

سرقتي قلوب خلق الله إلين ما سموك سراقه

شريتي قلوبهم برخيص وبأرخص كنتي تبعين

صدق من قال إنك بين كل هالناس عشاقه

بضحكه تملكين القلب واذا عفتي الهوا تبكين

أشوف اليوم حنيتي أشوفك صرتي مشتاقه

بعد ما أنتي نسيتي الكل غريبه ليش تشتاقين ؟
!
ترا أحلام غنتها مصير الحي يتلاقى

كلام الشاعر المعروف الخوار لو تدرين

وفعلا مهما طال البعد مصير الحي يتلاقى

ولكني أبي اعرف على مين انتي تستغبين

صدق من قال هالدنيا ترد القلب لأشواقه

وردك وقتك ويابك رضيتي والا تنرضين

ترا قالوها فالأمثال مصير القط خناقه ومهما غرتك دنياك مصيرك لأهلك تردين