جدول التماسيح اليومي

هااااااااااااااي


كيفكم يالغالين

جبتلكم موضوع تحفـــــــــه

(( الجدول اليومي للتماسيح ))


الجدول الدوري للتماسيح ..........



نبدأ.........

عند الأستيقاظ من النوم أو الصلاة

في هالحاله التماسيح أنواع المرافس وتجي الوالده تقومه للصلاة وكأنها تحاكي السرير اللي نايم

عليه أو الجدار اللي جنبه وأنواع القلق والأم ياحياتي بس قم الصلاة وهو بأحلامه ماأدري وين موديته هالأحلام وما علي لسانه ألا طيب.. أبقعد ألحين.. خلاص قلنا طيب.. خلاص

أبقوم..........وأذا راحت أمه ورجعت وقالت له صليت قال أيه صليت وهو نصاب حتي ماتحرك من

على السرير وينام ألمن تجي أمه تقعده من النوم بيروح المدرسه أو الدوام ومايقعد إلا بعد طلعت الروح وتعالوا شوفوا الأشكال لما يقعدون من النومالشعر ...يمه..( بسم الله) وليته ناعم ألا أنواع لخشونه (طبعاً نادراً جداً تلاقي تمساح شعره ناعم) ويقوم يلبس الثوب حتي مايغسل وجهه (ينعن ام القرف) وكل الملابس في الأرض والدولاب نظيف مافيه شي لأن الملابس ماعمرها دخلت الدولاب وتلاقي في كل ركن بالغرفه معلق له ثوب..شماغ علي باب الدولاب علي الشباك علي السرير في كل مكان يخطر ببالك.
بعدها ينزل ويلاقي أمه أو أبوه ويسلم من طرف خشمه كأنه هو اللي يصرف عليه(يقطع أم الأخلاق)


** عند الذهاب الي المدرسه أو الدوام**


طبعاً الأخ تمساح طلع من البيت داق اللطمه وماله خلق يكلم أحد وداعس بالسياره ويجي واحد يمشي بشويش مسكين معاه عياله يوديهم لمدارسهم وتعال شوف أنواع السب والشتم عشان مومسرع مثل خوينا التمساح(مستعجل اللي يشوفه يقول الأول علي المدرسه أو حاطينه مدير عام) اللا يبي يروح يكمل النوم علي الطاوله أو علي المكتب.
ولما يوقف عند الأشاره أنواع التأفيف والسب وتفتح الأشاره واسمع البواري

ياحول كأن الشارع شارع أبوه ولم يوصل للمكان شغله يمر ولايسلم ولاكأنه يعرف أحد وكأنه عايش بها العالم بلحاله(مساكين يالتماسيح الله يعينكم علي أخلاقكم السياحية).
طبعاً لما يوصل الدوام أو المدرسه يحط راسه علي الطاوله وتبدأ أحلامه من جديد إلين مايحس إلا المسطره منكسره علي ظهره وأنواع التهزيأ....................... ..<<تقول احسن
وفي الأخير جيب ولي أمرك




**عند العوده من المدرسه أوالدوام **

طبعاً الأخلاق منتهيه وخاصه لما يكون الجو حار مع الأخلاق ياسلام....حدث ولاحرج
المهم لما يوصل للبيت يدخل ويسلم هنا فيه مصلحه وهي أنه جوعان وبطنه فاضي وده يعبيه وماهو فاضي للحكي الفاضي.. طبعا ً يدخل ينطل شماغه عند الباب والزبيريه(طبعاً هذي لبس الشباب المفضل ومستحيل يتطورون ويلبسون جزمه مثل الخلق الفاهمين) وأنتم بكرامه..نلقاها بالسياره والثوب راميه عند الدرج عشان بس يبي يعبي كرشته.
أكل الأخ ألمن شبع وأنسدح مكانه وجاء وقت الصلاة... وهنا ......... تبدأ المعاناة.... وتعرفون الباقي






** وقت العصريه والمغربيه**

هذا الوقت طبعاًالموظفين من التماسيح نايمين وحتي العاطلين لأن ماعندهم واجبات يحلونها أما الطلاب أنواع المطامر في الشوارع والحواري(هم ليه طالعين بياخذ من خويه واجب أو دفتر) أو يلعبون كوره في الشارع(ودي أعرف بس مايحلالهم اللعب الا في الشارع والأراضي الفاضيه مليانه) وعلي هالحاله إلين المغرب ويرجعون الي بيوتهم بعد ما طلعوا اللي في جعبتهم...وراجعين وهم جوعانين ويأتي وقت العشاء.....



** بعد العشاء وقت السهره والدجه بالشوارع**

بعد مايترس التمساح بطنه يدور له علي طلعه أكيد بعد العشاء روق الأخ تمساح والربع مقلقين أبو جده.... وينك...بسرعه... نحتريك...لايفوتك... وكلها نصب في نصب وشوفوا لما يروحون للربع الأبتسامه شاقه الفم عرض وطول وصاكه من الأذن الي الأذن وبالبيت ماد بوزه عشر أشبار..
وهاتك بلوت وزقاير ومعسل وشيشه وتلفزيون هذا طبعاًإذا كانوا بأستراحه أما أذا كان مهايت بالشوارع الأغاني علي أخر صوت ومشغلين أجنبي (شاكيرا....أو وأشير اللي هوه...ومن ومن هاشله)وهذا **ماي فيس** أذا هم فاهمين شئ بس مشغله علي الفاضي .....
وعلي هالحال الين الساعه ثلاث الفجر وبعدها يرجعون للبيت ومابقي عالصلاة ألا ساعه ويحط راسه وينام بدون مايغير حتي ملابسه او يفكر يرتب فراشه..............
وهاهي يوميات تمساح تبدأ من جديد
وهم علي هالحال دايم................
مو مثلنا فديت البنات ذوووووق

هههههههههههههههههههههههههههههههههههههههههههههههههه

ايه والله يازيننا يالبنات ذوق واخلاق وادب مو مثلهم

حشا نص اليوم نوم ونصه مهايط ولعب


مشكوووووووووووووووووره مس مس على الموضوع الحلو

مشكوررررررررة مس مس
على الموضوع الحلو
ياذوق

خخخخخخخخخخخخخخخخخخخخخخخ ه هههههههههههههههههههههههههه
مشكووووره اختي والله من جد معاناه
يسلمو

يسامو هههههههه << مع اني ما قريته خخخخخخخ

يسامو هههههههه << مع اني ما قريته خخخخخخخ

ثانكس مهبوله على مرورك


نورتي الصفحه

مشكوره عص عص على مرورك


نورتي الصفحه

مشكور دودي على مروك المميز

مشكور تيمون على مرورك