قــــصــــه خــــيـــانـــــه

رأته بعد طول التجافي ..
لم يعد حنينه كما كان ..
تغيّر كثيرًا


ليه متغيّر حبيبي وش حصل؟
.................................. بالك إنتَ ما هو يا عمري معاي
قلبي من هذا التجافــي إنشغل
.................................. يا حياتي ويا بعد عمري وغلاي

لم يكن يملك ..
إلاَّ أن يناديها بإسمها ..
فلانه ؟
ولم تملك إلاَّ أن تُلبِّي نداءه ..
بـ لبيِّــه //
وقال:

ما هو البلا إني بإسمك أناديك
.................................. بس البلا تذبحني ( لبيه ) منّك

وإسترسل//

ما تغيِّـر شــــي فيني
هــذا أنا وهـذي إيديني
واللي متغيّـــــر مكانك
صار يا قلبـــي بـعيني

لم يكن إلاَّ عاشقًا صادقًا ..
ولم تكن إلاَّ عـاشقه تنتظر الخيانه ..
فليس كل من يحب لا يخون ..
وليس كل خائن لا يحب /
ولأن بعد الخيانه تتبدل مشاعر العاشق الصادق ..
رأته ..
فأشاح بوجهه عنها ..
لا لشيء ..
فقط لأن للخيانه أثر عميق لا يبصره إلا .. الأوفياء


أنا ما شفت نفسي يوم لأني منخلق مـن طيـن // ولو إسمي وصلْ عالي بظـل اللـي عرفتينـي
ولكن للأسف هانـت ليالينـا بغمضـة عيـن // وعلى الفرقا من أسبابك نعم إنتـي جبرتينـي
توصيتي بـطعناتي وبعدمـا تنْـزف السكيـن // وقبل لا ألفظ أنفاسي على نفسـي توصينـي!
دخيلك... قلبـي الوافـي تخلينـه ولا تطريـن // وراس اللي تحبينه تصدّي عـن مـدى عينـي




عاتبها ودائمًا عتاب ما بعد فراق الخيانه ..
مؤلم لا يُطاق ..
ولم يكن فقط يعاتبها ..
كان يشتكي لها رحيل بقاياه عنه !




وصلتي حق نهاياتي وشاللي بس بقـا تنهيـن // على ما أضن ما باقي ولا حاجه تحـس فينـي
مدام إنّك تحبيني ...وبنفس الوقت مـا توفيـن // ومدام إنّك وفيتي له.. وبنفس الوقت خنتينـي




وسقطت منه أصدق الكلمات ..
سهوًا ربما ..
حاول أن يبيِّن لها ..
أن القلب لا يجتمع به إلا حب واحد فقط ..
وشخص واحد فقط //




وشاللي بس تحسينه؟ إذا إنْتي كنتـي تحسيـن // تحبيني.... وتحبينه! .. تحبينه.... وتحبينـي
حضنتي قلبي ونمتي ..وعلى صوتي أنا تصحين // وإلا منّـك تملّلتـي.... تحضنينـه وتمسينـي
محال تصير في الدنيا بَشر في داخلـه قلبيـن // تبينه بقلب وفـي قلبـك بعـد قلـبٍ ينادينـي



وأبت عزَّته رغم حبَّه بأن يقبل بخيانتها له ..
وصف لها أٌسس النسيان متعللاً بالأيام والأقدار ..
متمسكًا بأن الذكرى بعد الفراق ..
ستكون جميله !



أنا ما أبيك لو إنك على الفرقـا دهـر تبكيـن // صعب أرضى بنزواتـك وحتـى لـو بغيتينـي
وإذا مـره ذكرتينـي مـع الأيـام تبـ تنسيـن // وببقى لك مثـل ذكـرى جميلـه لا ذكرتينـي
كثير اللي يتمنونك وأكيـد إنّـك تبـي تلقيـن // وإنسي يوم مـا إنتـي... تمنيتـي ولقيتينـي


رغم ذلك ..
أبى كبرياء أن يُخرجها منتصره ..
وينهيه منكسر ..

فلملم آخر أصواتٍ له ..
مستنكرًا لها ولصدق مشاعره تجاهها ..
مُنهي آخر اللقاءات بـــــ //



أنا وش جابني لـدربك أنا وين وغرامك ويـن // أنا أكبر من عيوبـك وعيـب إنّـك عرفتينـي
وإنسي إنّك ذبحتيني... وأمانه إدفنـي السكيـن // وعلى قبري بدال إسمي أبي كلمة ( خسرتيني )

تحياتي للجميع